“Azərbaycan Dağ Bəbiri 7x4000m” layihəsi çərçivəsində Azərbaycan Hava və Ekstremal İdman Növləri Federasiyasının ( FAIREX ) təşkilatçılığı ilə Azərbaycanın ikinci ən yüksək zirvəsi olan Şahdağ Zirvəsinə ( 4243 m ) yürüş ediləcəkdir. Yürüş üçün 12 nəfər iştirakçı nəzərdə tutulmuşdur və 24,25,26 iyun 2016-cı il tarixlərini əhatə edəcəkdir. FAIREX-in Dağ Komissiyası müraciətləri qiymətləndirəcək və müsahibə əsasında iştirak edəcək şəxsləri müəyyənləşdirəcəkdir. 

 11-12 iyun 2016-cı il tarixlərində Azərbaycan Hava və Ekstremal İdman Növləri Federasiyasının (FAIREX) təşkilatçılığı ilə idman dırmanmasının çətinlik və sürət növləri üzrə "ÜMİD" yarışı keçiriləcək. yarış 14 yaşdan yuxarı oğlanlar və qızlar arasında 2 kateqoriya üzrə, idman dırmanmasına yeni başlayanlar arasında keçiriləcək.

 Federasiyamızın “Dağçılıq Məktəbi”nin  23 – 26 İyul 2015 – ci il tarixlərində İsmayıllı rayonunda keçirilmiş düşərgə ilə yekunlaşdırılmış “Təməl Dağçılıq Kursu”nu uğurla bitirmiş iştirakçılar üçün “Dağçılıq Məktəbinin” 2-ci kursu - “Qaya İnkişaf Kursu” keçiriləcək. Kurs 16-19 iyun 2016-cı il tarixlərində təşkil olunacaq.

 Beynəlxalq Dağçılıq Federasiyasının (UİAA) rəhbər orqanları olan İdarəetmə Şurasının və İcraiyyə Komitəsinin görüşləri, həmçinin Federasiyanın Dağ Mədəniyyətlərinin Qorunması və Dağların Ekoloji Mühafizəsi Komissiyalarının Bakıda keçirilən illik toplantıları öz işini başa çatdırıb.

 14-16 may 2016-cı il tarixlərində Bakı şəhərində Beynəlxalq Dağçılıq və Dırmanma Federasiyasının (UİAA) rəhbər orqanları olan İdarəetmə Şurasının və İcraiyyə Komitəsinin görüşləri, həmçinin Federasiyanın Dağ Mədəniyyətlərinin Qorunması və Dağların Ekoloji Mühafizəsi Komissiyalarının illik toplantısı keçiriləcək.

 5 may 2016-cı il tarixində Qafqaz Universitetində VIII Gənclik və Multikulturalizm festivalı keçirilmişdir. Qafqaz Universteti İdman Klubunun əməkdaşı kimi FAIREX festivalda təmsil olunmuşdur. Tələbələrə federasiya, CLIMBAKU Dırmanma Mərkəzi, FAIREX-in gənclər üçün yaratdığı şərait haqqında məlumat verilmişdir. 

Ümummilli Lider, görkəmli siyasətçi və dahi şəxsiyyət Heydər Əliyevin anadan olmasının 93-cü ildönümü ilə əlaqədar Şahdağ Milli Parkının ərazisində yerləşən “Heydər zirvəsi”nə təşkil olunmuş kütləvi yürüş uğurla başa çatıb. 

Ümummilli Lider Heydər Əliyevin anadan olmasının 93-cü ildönümü ilə əlaqədar Şahdağ Milli Parkının ərazisində Böyük Qafqazın Başdağ silsiləsinin Qızıl Qaya massivində dəniz səviyyəsindən 3751 metr hündürlükdə yerləşən “Heydər zirvəsi”nə kütləvi yürüşlər davam edir.