İyulun 12-dən 19-dək Gürcüstanın Lentexi şəhərində idman dırmanması üzrə Gürcüstanın açıq çempionatı keçirilib.Yarışda ölkəmizi yığma komandanın 7 üzvü- Rinat Rəhimxanov, Leyla Əhmədova, Sima Səfərova, Aysel Sultanova, Çingiz Tağızadə, Fərid Şahbazov, Gülbala Səfərov təmsil ediblər. Çətinlik və sürət üzrə keçirilən yarışda komandamızın üzvləri uğurla çıxış ediblər. Komandamız ümumi hesabda birinci pillədə qərarlaşaraq Gürcüstan kubokuna layiq görülüb. Çətinlik üzrə yarışlarda Rinat Rəhimxanov və Leyla Əhmədova bürünc medallar qazanıblar. Sürət üzrə komanda yarışlarında yığmamız ikinci olub

 Bakı şəhəri Nobel pr.61 ünvanında Azərbaycan Dağçılıq Federasiyasının baş ofisində “Azərbaycan Dağ Bəbiri 7x4000m” layihəsi üzrə fəxri dağçı titulunun verilməsi ilə bağlı Azərbaycan Hava və Ekstremal İdman Federasiyasının (FAIREX) tərəfindən başlanılan layihənin təqdimatı çoxsaylı KİV nümayəndələrinin iştirakı ilə tədbir keçirilmişdir.

 FAIREX nəzdində fəaliyyət göstərən “Dağçılıq Məktəbi”nin 13 – 17 iyul 2016-cı il tarixlərində təşkil olunacaq “Dağçılıq İdmanı Üzrə Yay Məktəbi” düşərgəsində iştirak üçün elektron qeydiyyatdan keçmiş şəxslər 2 iyul tarixində müsahibə mərhələsinə dəvət olunmuşdur. “Dağçılıq Məktəbi”nin tədris bölməsinin rəhbərliyi tərəfindən müsahibələrdə iştirakçılar qiymətləndirilmişdir. Müsahibə nəticəsində düşrəgədə iştirak hüququ qazanmış 30 nəfərin siyahısı aşağıdakı kimidir. 

 FAIREX-in 21 iyun tarixində 10-cu sinif şagirdlərinə keçirilmiş təliminin ardından 8-ci siniflərə təlim keçmək üçün əməkdaşlarımız 28 iyun tarixində Qubanın Nügədi 1 kəndində və 29 iyun tarixində Nabranda Liseylərin düşərgəsində iştirak etmişdir. İki gündə tədbirlərdə 200-dən çox şagird iştirak etmişdir.

24-26 iyun 2016-cı il tarixlərində Azərbaycan Hava və Ekstremal İdman Növləri Federasiyasının (FAIREX) təşkilatçılığı ilə “Azərbaycan Dağ Bəbiri 7x4000m” layihəsi çərçivəsində Azərbaycanın ikinci ən yüksək zirvəsi olan Şahdağ Zirvəsinə (4243 m) yürüş ediləcək. Layihəyə qatılmaq üçün əvvəlcədən müsabiqə elan edilib, seçim müddətində daxil olan müraciətlər FAIREX-in Dağ Komissiyası tərəfindən araşdırılaraq qiymətləndirilib və bu idman layihəsinə qatılacaq şəxslər müəyyənləşdirilib. Beləliklə, geniş maraq doğurmuş layihənin ilk yürüşündə çoxsaylı müraciətlər arasında seçilmiş 12 nəfər iştirakçı Azərbaycan Dağçılıq tarixində ilk dəfə bu mötəbər idman titulunu qazanmaq uğrunda aktiv və uzunmüddətli mübarizəyə başlayacaq.  

 İstək Liseylərinin şagirdləri üçün Quba rayonunda təşkil etdiyi düşərgədə 21 iyun 2016-cı il tarixində FAIREX əməkdaşları tərəfindən ilkin anlayışlar və təməl dağçılıq ləvazimatları mövzusunda təlim keçirilmişdir. Çənlibel gölü ətrafında 50-dən çox şagirdə verilmiş təlim maraqla qarşılanmış, sonda təlimçilərə çoxsaylı suallarla müraciət olumuşdur. 

 16 – 19 iyun 2016-cı il tarixlərində FAIREX nəzdində fəaliyyət göstərən “Dağçılıq Məktəbi”nin “Qaya İnkişaf Kursu” üzrə yekun – imtahan düşərgəsi keçirilmişdir. Düşərgə Qusar rayonunun Ləzə kəndində FAIREX-in qaya məşqləri üçün ayrılmış təlim ərazisində təşkil olunmuşdur.

 11-12 iyun 2016-cı il tarixlərində Azərbaycan Hava və Ekstremal İdman Növləri Federasiyasının (FAIREX) təşkilatçılığı ilə idman dırmanmasının çətinlik və sürət növləri üzrə "ÜMİD" yarışı keçirilmişdir. Yarış 14 yaşdan yuxarı oğlanlar və qızlar arasında 2 kateqoriya üzrə, idman dırmanmasına yeni başlayanlar arasında keçirilmişdir. Çempionat yeni başlayan idmançıların həvəsləndirilməsi və yarış təcrübəsinin artırılması məqsədilə təşkil olunmuşdur. Yarış qaliblərinə kubok,medal, diplom və hədiyyələr təqdim olunmuşdur.