2009 –cu ildən Azərbaycan Hava və Ekstremal İdman Növləri Federasiyasının nəzdində fəaliyyət göstərən “Dağçılıq Məktəbi” 2016-2017-ci illər üçün dərslərə başlayır.
Federasiyamız dağçılığa yeni başlayanlar üçün 2016-2017-cı il üzrə tədris qruplarına dinləyici qəbulu elan edir.
Dərslərimizə 10 oktyabr 2016- cı ildə start veriləcək. Dərslər həftədə iki dəfə olmaqla təcrübi və nəzəri keçiriləcək.

 17 – 18 Sentyabr tarixlərində Siyəzən rayonu ərazisində Beşbarmaq qayalarında təşkil olunması nəzərdə tutulan Qayayadırmanma üzrə Açıq Ölkə Çempionatı hava şəraiti ilə əlaqədar olaraq təxirə salınmışdır. Həmin tarixlərə gözlənilən hava şəraiti təbii dırmanma üçün əlverişsiz olduğundan, yarışın gedişində idmançı və hakimlər kolegiyasının fəaliyyətinə mənfi təsir edəcək amillərin minimumlaşdırılması məqsədilə yarışın 24 – 25 sentyabr 2016-cı il tarixlərində keçirilməsi qərarlaşdırılmışdır.

 Gürcüstanın Svaneti vilayətinin Mestia şəhərində 31 avqust - 5 sentyabr tarixlərində idmandırmanması üzrə əfsanəvi dağçı Mixail Xerqianinin xatirəsinə həsr olunmuş turnir keçirilib

 24-26 avqust 2016-cı il tarixlərində türkiyəli və azərbaycanlı dağçılardan ibarət bir qrup Bazardüzü və Şahdağ zirvələrinə yürüş etmişdir. Hər iki zirvəyə uğurla dırmanan qrup zirvədə olkələrin bayrağını və “TEK MİLLET İKİ DEVLET” şüarını dalğalandıraraq ölkələr arasındakı əbədi qardaşlığı Azərbaycanın ən yüksək zirvəsində də bir daha göstərmişdir.

Bu gün 28 Avqust tarixində axşam saatlarında FAIREX-in dırmanma üzrə yığma komandası Azərbaycanı təmsil etmək üçün Gürcüstana yola düşmüşdür. Avqustun 31-dən sentyabrın 5-dək Gürcüstanın Svaneti vilayətində yerləşən Mestia şəhərində idman dırmanması üzrə əfsanəvi dağçı Mixail Xerqianinin xatirəsinə həsr olunmuş turnir keçiriləcək. İdmançılar suni divarlarda sürət və çətinlik, eləcə də təbii qayalarda keçiriləcək fərdi yarışlarda qüvvələrini sınayacaqlar. Yarışda Azərbaycanın 9 (3 qadın,5 kişi) idmançısı yığma komandanın tərkibində çıxış edəcək.

 17 – 18 sentyabr 2016-cı il tarixlərində Azərbaycan Hava və Ekstremal İdman Növləri Federasiyaı tərəfindən Siyəzən rayonu ərazisində yerləşən Beşbarmaq dağında “Qayaya Dırmanma Üzrə Açıq Ölkə Çempionatı” təşkil olunacaq. Komandalar  iştirak etmək üçün sifariş formalarını 01-14 sentyabr  tarixlərində FAIREX-in ofisinə təqdim etməlidirlər. 

 Dırmanma idman növü 2020-ci ildə Yaponiyanın paytaxtı Tokioda keçiriləcək Olimpiya Oyunlarına daxil edilmişdir. Beynəlxalq Olimpiya Komitəsinin 3 avqust 2016-cı il tarixində Rioda keçirilmiş sessiyasında 5 yeni idman növündən biri olaraq,son illər getdikcə populyarlaşan idman dırmanmasının dünyanın ən mötəbər idman hadisəsi olan olimpiya oyunlarına daxil edilməsi yekdil olaraq təsdiqlənmişdir.

 Düşərgədə iştirak üçün verilən elana 1 iyul tarixinə qədər 86 nəfər müraciət etmiş və 2 iyul tarixində müsahibə mərhələsi keçirilmişdir. Dağçılıq Məktəbinin 2015-ci ilin oktyabr  ayından 2016-cı ilin may ayına qədər dərslərində davamlı iştirak edən 2015-2016-cı il tədris qrupundan müraciət edənlər isə müsahibəsiz qəbul edilmişdir. Ümumilikdə 21 nəfər iştirakçı və 5 nəfər təlimçi ilə 13-17 iyul 2016 tarixlərində Qusar rayonunun Ləzə kəndində düşərgə təşkil olunmuşdur.